A Plataforma Lugo Sen Mordazas proxectará un ciclo de cine inclusivo na Tinería

A Plataforma Lugo Sen Mordazas inicia hoxe a actividade Patio do Barrio, cun ciclo de cine inclusivo que se desenvolverá durante os martes do mes de agosto na Tinería, xunto á Porta Miñá. A primeira proxección será a do clásico de cinema “O Maquinista da Xeral”, esta noite ás 21:45 horas.

O obxectivo desta iniciativa é a reivindicación dos espazos públicos como lugar de encontro da cidadanía para tecer cultura e facer comunidade, fronte á privatización dos mesmos con afán de lucro empresarial, que é un dos principais obxectivos da Ordenanza Mordaza que está a tramitar o goberno local. “Cando nos xuntamos un grupo de persoas na rúa e conversamos sobre o que nos afecta, nos preocupa, cando soñamos conxuntamente, xorden ideas. Estas ideas compartidas e coxestionadas, únenos nun proxecto e isto fainos crear comunidade”, explica Ana Barba Núñez, unha das organizadoras deste ciclo de cinema.

 

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo