A subdelegada do Goberno, Isabel Rodríguez, toma nota das inquedanzas dos vecinos de Rábade e Begonte, que lle trasladaron hoxe os alcaldes destes dous municipios. A subdelegada visitou esta mañá aos dous rexedores municipais dentro da ronda de visitas institucionais que está a levar a cabo polos 67 concellos da provincia.
Isabel Rodríguez e o alcalde de Rábade, Francisco Xosé Fernández Montes, aproveitaron a visita para inspeccionar o paso de peóns que salva a vía do tren ao seu paso por este municipio.
En Begonte, a subdelegada do Goberno e o rexedor, José Ulla reuníronse nas dependencias que ocupa provisionalmente a administración municipal mentres se levan a cabo as obras de reforma da Casa do Concello. No encontro trataron sobre a marcha das obras e tamén sobre os distintos servizos que presta o Concello de Begonte.
