A Subdelegada do Goberno en Lugo, Isabel Rodríguez, recibiu hoxe ao novo director provincial do Instituto Nacional da Seguridade Social, Juan José Rodríguez Gude.
A nova Subdelegada mantivo a última hora da mañá a súa primeira reunión de traballo con Rodríguez Gude. O xa responsable do INSS e da Tesourería Provincial da Seguridade Social na provincia de Lugo tomou posesión do cargo hai uns días.
Juan José Rodríguez Gude naceu en Portomarín en 1971. Licenciado en Dereito pola Universidade de Santiago de Compostela, é funcionario do Corpo Superior de Letrados da Administración da Seguridade Social. Ata o seu nomeamento como director da TGSS e o INSS en Lugo exercía como letrado no Servizo Xurídico Delegado Provincial da Administración da Seguridade Social en Lugo. Con anterioridade desempeñara o posto de letrado no Servizo Xurídico Delegado Provincial na Tesourería Xeral da Seguridade Social da Coruña.
