A Xunta destina 5,2M€ para revitalizar as explotacións agrícolas do Concello de Lugo

As explotacións agro-gandeiras emprazadas no termo municipal de Lugo beneficiáronse de 5,2 millóns de euros en distintas axudas da Consellería do Medio Rural.

A principal liña de apoios está relacionada coas axudas directas vinculadas á política agraria común, que supuxeron un investimento global de 3,4 millóns de euros, e que reciben directamente os produtores. A segunda das liñas de apoio, pola súa contía, son as subvencións dirixidas á posta en marcha dos plans de mellora, novas incorporacións ou creación de pequenas explotacións. Neste caso o montante das axudas supera os 1,8 millóns de euros.

Así o explicou esta mañá o delegado territorial da Xunta en Lugo, José Manuel Balseiro, durante a visita a unha explotación de gando vacún para leite, que resultou beneficiaria desta última liña de apoios.

No conxunto do termo municipal, a Xunta apoiou 18 plans de mellora, con axudas destinadas a financiar distintos investimentos materiais e inmateriais. Así por exemplo se subvenciona a compra de nova maquinaria, gastos para a elaboración de proxectos técnicos de construción ou reforma das explotacións compra de novos terreos e adquisición ou desenvolvemento de programas informáticos, entre outros.

Ademais, nesta orde tamén se apoia economicamente a incorporación de mozos ás actividades agrarias e gandeiras, co fin de fomentar o relevo xeracional nas explotacións. Así aconteceu con 13 novos gandeiros con explotacións emprazadas no concello de Lugo.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com