Con motivo da celebración do Día das Letras Galegas, Afundación, a Obra Social de ABANCA, presenta un programa de conta contos dedicado á homenaxeada deste ano, María Victoria Moreno, que se desenvolverá en todas as súas sedes de Galicia. A través de poemas musicados, teatro, contos e bailes, os nenos e nenas de entre 4 e 8 anos e as súas familias poderán coñecer quen foi María Victoria Moreno e as súas obras máis representativas dun xeito lúdico.
O grupo «Os Piñeiriños» será o encargado de dar vida a estas historias o 12 de maio, ás 12.00 h, na Sede Afundación de Lugo. As entradas para participar están dispoñibles na web ataquilla.com.
