Arde un alpendre ao carón dunha vivenda en Monterroso

Un curtocircuíto ou un braseiro poden ser as causas da orixe do lume nun alpendre situado na Avenida de Pontevedra, no termo municipal lucense de Monterroso.

Así o constataron os servizos de extinción que acudiron ao momento nada máis ser alertados. Segundo indicaron os Bombeiros de Chantada cando chegaron ao lugar, as lapas xa estaban controladas e o lume case sufocado polos membros do GES da localidade, aínda así, colaboraron nas tarefas da retirada de cascallos, unha vez extinguido o lume.

Ardeu o tellado do galpón e, parte del desprendeuse, polo que, por seguridade dos habitantes da casa dao lado, decidiron tiralo. O persoal do Centro Integrado de Atención ás Emerxencias do 112 ( CIAE) foi informado do incendio ao fío das 09:45 horas desta mañá, a través dos mesmos efectivos do GES de Monterroso, un veciño alertaballes do suceso. No transcurso da chamada, tamén o dono do galpón pedía axuda ao 112 Galicia. Indicaba que lle estaba ardendo un caseto pegado á vivenda, no que afumaba chourizos. Non había persoas afectadas. A Garda Civil e os efectivos de Protección Civil tamén prestaron a súa colaboración.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com