Concello e Colexios profesionais buscan acurtar tempos á concesión de licenzas

Tal e como se comprometera, o Concelleiro de Desenvolvemento Sostible e Persoal, Daniel Piñeiro, mantivohoxe, xunto con técnicos municipais de Licenzas e Arquitectura, un novo encontro cos colexios profesionais de arquitectos, aparelladores e enxeñeiros para afondar en medidas de coordinación que contribúan a axilizar a avaliación dos proxectos de obra por parte do persoal do Concello e, deste xeito, acurtar os tempos para a concesión das licenzas de obra maior, pois as menores e as de actividade estanse a conceder en prazo.

Concello e colexios acordaron establecer pautas para estructurar a documentación do proxecto de obra de maneira máis operativa, de xeito que os documentos principais e imprescindibles que deben supervisar os técnicos estea ao principio, ademais de definir cuestións como a inclusión no expediente de planos catastrais da parcela, a superposición do proxecto no plano do Plan Xeral de Ordenación Municipal (PXOM) ou a xustificación da edificabilidade da parcela e o proxecto, e a súa volumetría.

As medidas acordadas xa na reunión celebrada en maio, son a incorporación de dous técnicos dedicados en exclusiva de tramitar licenzas atrasadas; continuar dando prioridade aos proxectos con subvención e aos de edificios con medidas de eficiencia enerxética e sostibilidade ambiental; e a aplicación do decreto autonómico 144/2016 que aproba o regulamento único de regulación integrada de actividades económicas e apertura de establecementos, que permite a axilización dos proxectos de actividade e de  obras e actividade que conten coa certificación dunha Entidade de Certificación de Conformidade Municipal. Tamén se encomendarán á empresa pública EVISLUSA máis traballos urbanísticos, para liberar aos técnicos do Concello destes traballos e que poidan ocuparse de licenzas.

En canto á posibilidade de establecer un denominado “visado de calidade” dos proxectos por parte dos colexios, isto é, ir máis alá do estritamente establecido nos visados, revisando con maior profundidade a documentación, co fin de que os técnicos municipais poidan logo ser máis áxiles na avaliación da mesma e informar máis rápido, trátase dunha medida de complexa implantación co actual marco lexislativo, polo que, aínda que non se descartou, require dun maior estudo e, en todo caso, a coordinación para estructurar de maneira máis operativa a documentación dos proxectos, acordada hoxe, xa suporá un importante avance para axilizar a avaliación.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com