Con motivo da celebración do Día das Letras Galegas, Afundación, a Obra Social de ABANCA, organizou unha sesión de contacontos dedicado á homenaxeada deste ano, María Victoria Moreno. A través de poemas musicados, teatro, contos e bailes, os nenos e nenas de entre 4 e 8 anos e as súas familias poderán coñecer quen foi María Victoria Moreno e as súas obras máis representativas dun xeito lúdico. O grupo «Os Piñeiriños» será o encargado de dar vida a estas historias mañá sábado 12 de maio, ás 12.00 h, na Sede Afundación de Lugo (praza Maior, 16). As entradas para participar están dispoñibles na web Ataquilla.com.
