O espazo cultural Nova Escola organiza un obradoiro de iniciación á zanfona

O espazo cultural Nova Escola (pr. Viana do Castelo, 1), dirixido polo músico lucense, Carlos Lorenzo, vén de presentar unha nova actividade dinamizadora esencial para os amantes da música tradicional e, sobre todo, da zanfona.

O curso de iniciación á zanfona que promove e organiza Nova Escola, será dirixido polo músico Óscar Fernández (Bonovo, Os Cempés…) e está pensado para todo aquel que desexe achegarse a este tradicional instrumento pero que non teña coñecemento nesta materia. Segundo aseguran dende a escola non é preciso ter estudos musicais.

Este obradoiro de iniciación dura catro horas e dará a coñecer aos alumnos o mecanismo e o funcionamento da zanfona, sen necesidade de ter unha propia pois a propia escola cederá, durante o curso, a cada alumno un destes instrumentos para que poida coñecer de primeira man os entresixos da zanfona.

As prazas deste obradoiro, que terá lugar o vindeiro luns 26 de marzo de 16.30 a 20.30 horas, son limitadas a 8 alumnos polo que, dende a escola, instan a apuntarse canto antes. Asemade, recomendan, para todas aquelas persoas que xa coñecen e tocan este instrumento, o curso de Anxo Pintos e Jaime Rebollo, no Centro Daigaku.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com