Unha persoa resultou ferida grave esta tarde a causa dun choque frontal entre dous turismos en Lugo, na Nacional Sexta, concretamente no lugar de Ramil, en sentido A Coruña.
Segundo o servizo de emerxencias 112, como consecuencia do golpe o ferido quedou atrapado no interior do vehículo no que viaxaba e precisou a axuda dos bombeiros para saír.
Ademais dos efectivos do parque municipal, ata o lugar do accidente, se desprazaron os axentes da Garda Civil e os técnicos de Urxencias Médicas. As chamadas ao 112 de varios condutores sorprendidos polo golpe permitiron poñer en marcha o operativo, que completaron os membros do servizo de limpeza e mantemento do Ministerio de Fomento.
