A Garda Civil detivo esta madrugada en torno ás 2 e media da mañá a tres veciños de Sarria de entre 19 e 22 anos como presuntos autores dun delito de roubo con violencia e intimidación.
Segundo explica a Garda Civil, sobre a 1 e cuarto desta madrugada, chégalles o aviso de que tres persoas agrederon e roubaron ao habitante dunha vivenda da localidade sarriá, ocasionándolle á vítima feridas de diversa consideración.
Os axentes inician un operativo policial localizando a dous dos presuntos autores dos feitos en torno ás 2 e vinte da mañá transitando por unha céntrica rúa de Sarria e procedendo á súa detención. Minutos máis tarde localizaron tamén ao terceiro implicado.
