Máis de 170 persoas participaron este martes pola tarde, no Paseo do Malecón de Monforte de Lemos, das primeiras actividades fluviais gratuítas que o Goberno da Deputación leva ao interior da provincia. Esta actividade está incluída dentro do Plan Estratéxico de Turismo, cumprindo deste xeito cunha das súas liñas de actuación, que é a posta en valor dos recursos e zonas fluviais lucenses para promover o sector turístico.
As actividades inclúen atraccións inchables, tobogáns, balancíns, pulpos, rocódromos acuáticos, pistas de obstáculos, kaiaks, waterballs… animacións musicais ou xogos populares.
