Medio cento de personas conmemoran o 25 aniversario do Xacobeo cunha andaina polo Camiño Primitivo

A Alcaldesa de Lugo, Lara Méndez, xunto ao voceiro municipal, Miguel Fernández, participou hoxe na camiñada urbana polo Camiño de Santiago ao seu paso por Lugo, entre a ponte da Chanca e a romana, unha actividade organizada pola Asociación de Periodistas e Estudosos do Camiño (APECSA), en colaboración coa Asociación da Prensa de Lugo e a de Amigos do Camiño da provincia, que forma parte do seu programa Días de Andar… As Camiñadas, conmemorativo do 25 aniversario do Xacobeo e da declaración do Camiño como Patrimonio Mundial.

Méndez, que ofreceu no consistorio unha recepción ao medio cento de participantes, aos que agasallou cunha escolma de textos do Doutor Castro e unha guía do Camiño ao seu paso por Lugo, ambas editadas polo Concello, subliñou que esta actividade contribúe a seguir potenciando a ruta xacobea, como o está a facer o Goberno con diversas iniciativas, entre elas, a institucionalización dun día dedicado ao Camiño nas festas de San Froilán ou as actuacións de posta en valor recollidas na estratexia DUSI financiada con fondos europeos.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com