O Presidente da Deputación, Darío Campos Conde, e o Alcalde de Monforte de Lemos, José Tomé Roca, participaron hoxe no acto de homenaxe aos xubilados ferroviarios da localidade monfortina. Campos Conde trasladou a súa “noraboa a todos os profesionais homenaxeados, tanto ás 12 persoas xubiladas como aos dous colaboradores de AMAFER, pola súa entrega e dedicación ao ferrocarril e aos viaxeiros”.
“O colectivo ferroviario axudou a construír a cidade e contribuiu á súa prosperidade e o seu desenvolvemento. Por iso queremos facerlles chegar o recoñecemento do Goberno da Deputación a toda unha vida laboral de dedicación ao tren e a Monforte de Lemos”, engadiu o titular provincial.
