O BNG preguntará pola situación na que se atopa o desdobramento da Duquesa de Lugo

O voceiro do BNG no Concello de Lugo, Rubén Arroxo, presentará unha serie de preguntas para coñecer cales os avances do goberno municipal de cara ao desdobramento da avenida Duquesa de Lugo, no tramo máis próximo ao polígono industrial do CEAO. “En marzo de 2017 a alcaldesa de Lugo e o presidente da Deputación anunciaron o inminente comezo das obras e non se fixo nada” dixo Arroxo que sinalou “todas as persoas que vivimos en Lugo estamos fartos dos anuncios que fai o PSOE e que se converten en non facer nada”, lembrou Arroxo.

O nacionalista apuntou que “a última resposta do goberno neste senso foi pouco esperanzadora” xa que se nos dixo que “o concello aínda busca propietarios”. E é que o concello aínda descoñece de quen é a propiedade dalgúns terreos que son necesarios para o desdobramento.

Rubén Arroxo lembrou que no orzamento do ano 2016 estivo prevista unha partida de 650.000 € para o desdobramento e humanización desta avenida, ademais contemplábase a creación dun carril bici e beirarrúas en zonas de perigo para os peóns. O BNG levará este tema á vindeira comisión de infraestruturas para que o goberno explique cales son as razóns que levaron á paralización desta obra tan necesarias para desconxestionar o tráfico entre a cidade e o polígono industrial do CEAO.

 Trátase dunha obra necesaria que, foi anunciada en diferentes ocasións, pero que non foi resolta por este goberno que “solo sabe vender fume”. O desdobramento da avenida Duquesa de Lugo é unha obra necesaria para desconxestionar un dos principais accesos da cidade á A-6 e á zona industrial de Lugo. As obras terían que ser asumidas pola propiedade dos terreos no momento en que se urbanizase a zona, pero “unha vez que o goberno toma a decisión, acertada, de actuar subsidiariamente nesta zona e se anuncia esta obra é preciso que se execute ou se explique cales son as causas do retraso” afirmou Arroxo e anunciou que “o BNG seguirá traballando para que esta obra necesaria se execute dunha vez”.

Novas relacionadas

Deixar unha resposta

A súa dirección de email non será publicada. Os campos requeridos están marcados *

This site uses Akismet to reduce spam. Learn how your comment data is processed.


Diario de información xeral sobre Lugo e a súa provincia
San Salvador de Muxa 124 27192, Lugo