O Concello de Lugo nega que a Confederación Hidrográfica Miño Sil lle dera permiso ao BNG-AA para acondicionar na zona das Saamasas unha zona pública de baño ou praia fluvial. Así o explicou esta mañá o Concelleiro de Desenvolvemento Sostible, Daniel Piñeiro, quen asegurou que é o Concello quen está a tramitar esta zona de baño e afirmou que “do que dispón o voceiro nacionalista, Rubén Arroxo, non é máis que un permiso da Confederación Hidrográfica para instalar unha escaleira de madeira”.
Así o reflicte tamén un documento redactado por Conservación da Natureza da Xunta de Galicia, que acompañaba ao permiso da Confederación Hidrográfica, e que estipula que “o informe refírese exclusivamente á instalación dunha rescaleira para facilitar o acceso á auga, pero non pode ser asimilable a instalación doutro tipo de infraestruturas ou actuacións que habiliten este tramo de río como praia fluvial”.
