O Concello realizará unha campaña de sensibilización para evitar as pelexas entre menores

O Concello realizará unha campaña de sensibilización entre os menores de idade para evitar as pelexas na rúa que se veñen rexistrando nas últimas semanas. Anunciouno esta mañá a alcaldesa de Lugo, Lara Méndez, que subliñou que o Goberno local “non é alleo a un problema que se da na nosa cidade”, polo que cómpre concienciar aos máis novos de que este tipo de prácticas “non son boas para a sociedade”.

A rexedora lembrou que a competencia para disolver este tipo de concentracións é da Policía Nacional aínda que o Concello quere aportar o seu “grao de area” con esta campaña de concienciación e sensibilización. Con todo, Méndez tamén lembrou que os axentes da Policía Local xa fan reforzos na vixilancia na contorna da Muralla, reforzos que “se seguirán a realizar”.

Con esta medida, Lara Méndez agarda que a pelexa que circulou nas últimas semanas entre menores de idade na contorna da Muralla quede como “un feito illado” e como “unha anédcota do pasado”.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com