O PP municipal reestructura as áreas de funcionamento para ser “máis útiles e eficaces”

Antonio Ameijide, voceiro do grupo Municipal Popular, deu conta hoxe dos cambios internos que sufrirá o seu partido a partir de agora e nos vindeiros dous anos de mandato socialista. Ameijide deixou claro que é un cambio para mellor e que tratan de “revalidar o compromiso do partido coa cidade, crear da cidade de Lugo unha cidade para investir, para emprender, unha cidade para o turismo e para quedarse, para que ninguén se teña que ir porque non ten posibilidades para quedarse”, anunciou o voceiro.

O voceiro explicou que o seu partido traballará nos dous anos que quedan para renovar o compromiso con Lugo ” e cos lucenses”, para elo, se reunirán coa veciñanza para demostrar aos lucenses “que hai unha alternativa real á situación na que está Lugo, a un goberno totalmente bloqueado e superado polas circunstancias“. Ameijide aclarou que o seu partido é o único que pode gobernar a cidade con solvencia e por esto reestruturan a formación local en nove areas, reforzando o que cree que fraquea no Concello de Lugo, como o turismo.

A asignación dos edís a cada un delas estableceuse pensando na súa cualificación e experiencia, pois o obxectivo é “facer unha política rigorosa e seria. Para vender fume xa están outros”, apuntou o voceiro do PP.

Neste senso, destacou que “intentamos que a asignación a cada área fose o máis axustada posible ao perfil dos edís. É dicir, o que pretendemos non é outra cosa que ser os máis útiles e eficaces posible”. Deste xeito, anunciou que, dada a importancia que ten o turismo e, especialmente o Camiño de Santiago, para Lugo, “quixemos darlle un especial tratamento, xa que non podemos esquecer que é un dos nosos tres Patrimonios da Humanidade. Cremos, por tanto, que debido á importancia cultural e turística que ten ben merece unha área específica”. Esta responsabilidade recae no edil Ángel Trabada, que será o encargado tamén de Obras e Infraestruturas, Avarias e Mantemento Urbano, Turismo e Promoción.

A este respecto, ademais da indicada, e tal e como explicou Ameijide, o reparto destas nove áreas queda do seguinte xeito:

Antonio Ameijide: voceiro, Transporte, Mobilidade Urbana, Economía e Contratación.

Enrique Rozas: vicevoceiro, Deportes, Policía e Seguridade Cidadá, Bombeiros e Grúa.

Ana López Pombo: vicevoceira, Medio Ambiente, Mercados, Salubridade e Igualdade.

Encarna Amigo: Cultura, Museos, Patrimonio e Difusión Cultural

Carmen Penelas: Educación

Isabel Devesa: Urbanismo e Desenvolvemento Urbano e Sostible

Manolo López: Zona Rural

Mari Teijeiro: Servizos Sociais, Xuventude e Servizos Xerais Municipais

Asemade, o PP municipal aposta tamén por cambiar as súas representación nas Comisións de Pleno, así como outras representacións en padroados, fundacións e outras comisións. Deste xeito, cambiarán tamén as tres dedicacións exclusivas coas que conta o partido, recaendo en Antonio Ameijide, Enrique Rozas e Manolo López; sen que quede ningunha dedicación exclusiva parcial que ata agora recaía en Ana López Pombo e Isabel Devesa.

 

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com