O Voceiro Municipal, Miguel Fernández, anunciou este mércores, que o Executivo Local deu luz verde á contratación de obras de pavimentación en 7 viais da cidade e do rural por un importe total de ao redor duns 317.000 euros.
En concreto son as seguintes: Vial dende Milleirós á Tolda de Milleirós, cun prazo de execución de dous meses e rúa dos Chaos e Camiño de Liñares, cun prazo de execución de dous meses. Os traballos nestas tres vías, pertencentes á parroquia de Meilán, están enmarcados dentro do Plan Provincial Único de Cooperación cos Concellos 2018, impulsado pola Deputación.
Dentro do Plan de Barrios do Goberno acometeranse obras no acceso e contorna da igrexa de Sagrado Crazón e un prazo de execución de dous meses e na rúa Monte Adairo e Monte Pía Paxaro (nas Gándaras), e un prazo dun mes de execución.
Asemade e dentro da liña de subvencións autonómicas encamiñadas á habilitación e mellora de infraestruturas dos parques empresariais acometeranse obras na rúa Artesáns.
