Logo de tres meses dende a última sesión os Microefectos Dramatúrxicos voltan ao Club Clavicémbalo en sesión de tarde e noite este xoves e venres ás 20:30 e ás 22:30. Nesta sesión representaranse catro pezas novas, todas elas escritas, dirixidas e interpretadas polos diferentes membros do colectivo.
O grupo pon en escena pezas teatrais duns 15 minutos de duración nas que contan historias da vida mesma para rir ou mesmo chorar, cunha escrita directa e actual, que cada tres meses practicamente completa o aforo do Clavicembalo.
