O PSOE de Vilalba critica a modificación unilateral das normas subsidiarias de Planeamento Municipal

O Grupo Municipal Socialista do concello de Vilalba traslada unha crítica á recente modificación das normas subsidirarias que sentan as bases da regulación urbanística do Concello de Vilalba por entender que se realizaron de xeito unilateral, “ocultando as decisións tomadas á oposición”. O alcalde, Agustín Baamonde, anunciaba esta modificación “vendéndoa como necesaria e como parte da actualización e adaptación do urbanismo aos tempos nos que vivimos”, sinalan desde o PSOE, “mais a mellor forma de actualizarse e dotar de seguridade xurídica para a planificación urbanística do Concello é a aprobación do PXOM que levan prometendo desde hai 14 anos”.

Neste senso, os socialistas amosan o seu desacordo con modificacións puntuais que non responden a un interese público inminente e que semellan parches ante a carencia dun Plan Xeral “por absoluta irresponsabilidade, pois durante moitos anos o señor Baamonde mirou cara outro lado mentras se ía construíndo unha Vilalba que destaca en toda Galicia polo  seu feísmo urbanístico e tamén pola arbitrariedade na aplicación das normas”.

O Grupo Socialista critica principalmente o “escurantismo” na xestión desta modificación, pois “Baamonde non deu nin unha soa explicación nas comisións de urbanismo, tivémonos que enterar a través da prensa”, sinalan. Dada esta situación, levarán unha moción ao pleno de finais de marzo na que solicitan que non se regulen as normas subsidiarias, a non ser por causa de interese público, á espera da aprobación inicial do Plan Xeral de Ordenación Municipal. “Parécenos o máis adecuado, levamos moito tempo esperando e xa non se entenden estas modificacións arbitrarias e unilaterais tendo sen aprobar a ferramenta máis importante de regulación urbanística para un Concello; as normas, a tempo, claras, e para todos iguais”.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com