A Alcaldesa de Lugo e o Concelleiro de Deportes e Medio Rural, Miguel Fernández, deron este domingo o pistoletazo de saída ás diferentes categorías da XV Carreira Popular Lugo Monumental. Este evento está organizado polo Concello en colaboración con diferentes organismos e colaboran empresas comerciais.
Categorías
A partir das 11:00 horas tiveron lugar as saídas das probas dos nenos e nenas, mentres que a saída da proba para adultos foi ás 12:00 horas. A categoría mini, cun percorrido de 370 metros, partiu dende a Rúa Vilalba, mentres que as restantes categorías saíron da Ronda da Muralla pola zona da Mosquera. A categoría de adultos realizou un percorrido cunha distancia aproximada de 10 quilómetros.
