A proximidade dun incendio forestal no lugar de Lornís en Pantón obrigou a tomar medidas de protección, entre elas cabe destacar que foi interrompida a circulación na estrada provincial que une Santo Estevo de Sil e Ferreria (LUP4103) e na vía férrea.
Actualmente, a estrada está aberta ao tráfico, aínda que con regulación, non así a circulación de trens, que segue parada por razóns de seguridade.
Cómpre lembrar que os protocolos de protección ao núcleo de Lornís, en Pantón, foron activados pouco antes das seis desta tarde debido á proximidade dun incendio forestal.
