Os feitos tiveron lugar na mañá do día 22 de setembro, cando unha patrulla da Policía Local de Lugo é comisionada pola Sala do 092 para que acuda a un edificio da zona norte da cidade xa que no interior dunha vivenda está a producirse unha pelexa.
Os axentes preséntanse de inmediato e entrevístanse cunha muller que convive coa súa nai e dous fillos menores de idade, a cal manifesta que momentos antes presentouse a súa ex parella no domicilio, que é o pai dos seus dous fillos, querendo velos, mantendo unha discusión na súa habitación onde é agredida, momento que interfere a súa nai para evitar a agresión, sendo esta tamén agredida.
Tamén manifesta que anteriormente fora agredida pola súa ex parella, sufrindo insultos e vexacións de forma habitual.
O home é detido e pasou a disposición xudicial.
