O 112 Galicia rexistrou dito accidente arredor das 15:00 horas. O particular que fixo uso do número único de emerxencias indicou que un vehículo caera por unha pendente duns 30 ou 40 metros, no quilómetro 40 da LU-633. Ademais, non vía saír a ningún ocupante do turismo.
Con esta información, os xestores do 112 Galicia solicitaron a intervención do Servizo de Urxencias Sanitarias de Galicia-061, dos Bombeiros de Sarria e da Garda Civil de Tráfico.
Unha vez no punto, a dotación de bombeiros indicou que tiveron que excarcerar para, posteriormente, transportar ao ferido ata a ambulancia mediante unha padiola e unha pick up.
