A alcaldesa de Lugo, Elena Candia, participou na gala dos III Premios de Turismo Onda Cero Galicia, celebrada na cidade, onde entregou o recoñecemento «Toda unha vida» á arquitecta e empresaria Luisa García Gil.
Os galardóns distinguiron oito profesionais, empresas e iniciativas do sector turístico galego, entre elas o Balneario de Mondariz, o Hotel Bela Fisterra, Ribadavia e o histórico Hotel Méndez Núñez de Lugo.
Durante o acto, Candia felicitou as persoas premiadas e destacou o valor do patrimonio e da cultura lucenses, así como a colaboración co sector turístico para impulsar a proxección da cidade como destino.
