A sección segunda da Audiencia Provincial de Lugo absolve a dous acusados dos delitos de apropiación indebida e estafa. A Sala conclúe que non hai probas de que enganasen a un octoxenario, xa falecido, para que lles entregase cartos, nin que se apropiasen deles de maneira ilícita.
A proba testemuñal presentada foi considerada insuficiente e de carácter indirecto, xa que se baseaba en declaracións de testemuñas que non presenciaran directamente os feitos. Ademais, na sentenza destácase que o falecido mantiña unha capacidade de xestión do seu patrimonio e que non existía constancia de reclamacións previas ao ano 2019 sobre o diñeiro supostamente apropiado.
