Trátase de Golmar, situado na parroquia de Abrence (A Pobra do Brollón), e de Conceado e San Pedro, pertencentes a Quintá de Lor (Quiroga), nos que a proximidade dun incendio forestal levou á activación dos protocolos de protección da cidadanía (Situación 2).
Os veciños saíron das súas vivendas de xeito preventivo polos seus propios medios durante as tarefas de extinción, mais polo de agora non se rexistraron confinamentos ou evacuacións relacionados con este lume. As forzas da orde e os servizos de emerxencias monitorizan a situación en todo momento.
Ademais, permanece interrompida a circulación ferroviaria entre a estación de San Clodio-Quiroga e A Pobra do Brollón, pertencente á liña Monforte de Lemos-Ponferrada.
