A delegación de Lugo de ADEGA organiza un obradoiro de cociñas solares, que impartirá Juan Bello, profesor retirado de FP, que dará as pautas para fabricar unha cociña solar, ademais de compartir a súa grande experiencia cociñando “con enerxía ilimitada do sol e sen necesidade de gastar combustíbeis fósiles ou enerxía eléctrica”. As cociñas realizaranse con materiais fáciles de conseguir, e cada participante fabricará a súa propia cociña. Unha vez feita a inscrición, “ADEGA enviará por correo os materiais que cada quen ten que aportar”. O obra doiro terá lugar o vindeiro venres 30 de maio de 16 a 20h no local de ADEGA, en Ronda das Fontiñas 180 ent. B, Lugo.
Por outra banda a asociación invita tamén a quen queira asistir, ao encontro solar que se celebrará o vindeiro 7 de xuño no Pazo de Feiras e Exposicións de Lugo. Os participantes poderán acudir ao acto, coas súas cociñas e fornos. Este actividade enmarcase dentro do festival ADEGA, 50 anos coidando a terra. Neste encontro poderase compartir experiencias, receitas, cociñar e por último xantar.
