Os Codex Cinema estrean este venres, os filmes “UNHA FILLA EN TOKIO” e “ELIXIR A MIÑA VIDA”.
“UNHA FILLA EN TOKIO”, dirixida por Guillaume Senes, é un drama sobre a inmigración, que nos conta a historia dun pai na busca da súa filla.
Sinopse: todos os días Jérôme conduce o seu taxi por Tokio mentres intenta encontrar á súa filla, Lily. Separado dela durante nove anos, nunca puido conseguir a súa custodia. Xusto cando perde a esperanza de vela e está a piques de regresar a Francia, Lily sobe ao seu taxi…
A outra estrea da semana é “ELIXIR A MIÑA VIDA”, un filme tenro, divertido e cunha mirada de clase e de xénero, dirixida por Amélie Bonnin.
Sinopse: unha chef en auxe, a piques de abrir o seu propio restaurante en París, debe regresar ao seu pobo natal por unha emerxencia familiar. Lonxe da vida urbana, rexorden as lembranzas e as súas certezas comezan a vacilar e a debilitarse.
