Está tarde tivo lugar un incendio nunha fábrica de colchóns en Palas de Rei. Segundo informou o 112 Galicia ocorreu na parroquia de Marzá, e ningunha persoa resultou afectada. O lume queimou varios colchóns e afectou á estrutura das instalacións, construídas en chapa e cemento.
Varios particulares contactaron co 112 Galicia sobre as 14 horas e explicaron que os traballadores da fábrica estaban tratando de apagar o lume desde o primeiro momento.
Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061 de modo preventivo, a Garda Civil, o GES de Monterroso e os membros da Agrupación de Voluntarios de Protección Civil de Palas de Rei.
Pouco despois de chegar ao punto, os servizos de emerxencias informaron de que a situación estaba controlada e, pouco antes das 15 horas deron o lume por apagado.
