Hoxe tivo lugar o Pleno de investidura da nova alcaldesa de Viveiro, a popular Mariña Gueimunde. Con esta investidura o PPdeG suma xa 29 rexedoras (6 na provincia de Lugo e 2 na Mariña lucense) e consolidase como o partido con máis mulleres á fronte dos concellos en Galicia.
Asitiron ao Pleno a secretaria xeral dos populares galegos, Paula Prado, e a presidenta provincial do PP de Lugo, Elena Candia, para trasladarlle a Gueimunde a mellor das sortes nesta nova etapa.
As dúas dirixentes consideran significativo que, ás portas do Día Internacional da Muller, o partido vaia sumar unha alcaldesa máis e, de feito, Paula Prado anunciou que na reunión do Foro de Alcaldesas que se celebrará mañá en Boimorto a nova rexedora viveirense estará tamén presente.
A número dous do PPdeG considera que a moción de censura foi unha decisión tomada desde a responsabilidade e co obxectivo de darlle un impulso a Viveiro ante un goberno que estaba paralizado e non atendeu as necesidades dos veciños. “Ao final estase descubrindo o que xa se sabía: que os pactos de perdedores non son bos para a cidadanía”, asegurou.
