Novas

Mariña Patrimonio descubre útiles do paleolítico na turbeira da praia de San Miguel de Reinante

A Asociación Mariña Patrimonio achou recentemente varios útiles paleolíticos na turbeira da praia de Arealonga, localizada en San Miguel de Reinante, no concello de Barreiros, provincia de Lugo. Baixo as areas desta praia, atópase unha significativa turbeira que preserva os vestixios dun antigo bosque. Precisamente, nos últimos temporais deste inverno o mar retirou gran cantidade de area, deixando visible a turbeira.

Nesta ocasión, o mar descubriu a turba na zona das Penas Rubias, onde a acción da erosión provocada polas ondas creou formas curiosas e chamativas sobre a mesma. Estas formas chamaron a atención de moita xente e as imaxes da turba foron amplamente compartidas nas redes sociais.

A asociación Mariña Patrimonio, que leva anos documentando fotograficamente a aparición deste antigo bosque, observou neste mes de marzo entre a turba varios útiles paleolíticos. Tras comunicar a descuberta á Dirección Xeral do Patrimonio Cultural, arqueólogos desta entidade desprazáronse ata a praia de Arealonga para inspeccionar a zona, onde apareceron os restos arqueolóxicos, e facerse cargo das pezas líticas atopadas por Mariña Patrimonio.

A turbeira de Arealonga, que só se pode ver nalgunhas ocasións tras un temporal, non deixa de dar sorpresas. Cómpre lembrar que nesta mesma turbeira, en 2014, apareceron restos óseos de animais que habitaron neste antigo bosque. Estes ósos, entre os que destacan fragmentos de mandíbulas e cornamenta de cérvidos, así coma ósos de cabalo e vaca, foron estudados pola paleontóloga Aurora Grandal. A datación realizada por esta investigadora mostrou que os restos máis antigos atopados na turbeira de San Miguel teñen unha antigüidade duns 4800 anos.

Por outra banda, tamén é interesante saber que a tradición popular sostén que nesta praia de Arealonga atópase a cidade asolagada de San Miguel de Vilachá, que foi afundida por mor dun castigo ou posible maleficio. Cóntase que nos anos en que os temporais levaban a area podían verse as trabes das casas e os restos das árbores desta desafortunada vila.

investigadora mostrou que os restos máis antigos atopados na turbeira de San Miguel teñen unha antigüidade duns 4800 anos. Por outra banda, tamén é interesante saber que a tradición popular sostén que nesta praia de Arealonga atópase a cidade asolagada de San Miguel de Vilachá, que foi afundida por mor dun castigo ou posible maleficio. Cóntase que nos anos en que os temporais levaban a area podían verse as trabes das casas e os restos das árbores desta desafortunada vila.

Asociación de Veciños, Comerciantes e Industriais da Milagrosa piden un novo paso de peóns

Un novo paso de peóns, na confluencia da avenida da Coruña coa rúa Rio Narla é o que están a demandar desde a Asociación de Veciños, Comerciantes e Industriais Distrito da Milagrosa de Lugo. Os representantes veciñais subliñan que,  “facémonos eco, novamente, das queixas veciñais con motivo da falta dun paso de peóns na intersección da Avenida da Coruña coa rúa Río Narla no cruzamento que vai cara á Avenida Reverendo José Fernández.

Trátase dunha zona densamente poboada que necesita de regulamento, xa que na actualidade “supón un perigo para peóns (xa que os pasos máis próximos atópanse moi afastados do cruzamento mencionado), e dado que é unha zona na que conclúe moito tráfico”,  “tanto para os que se dirixen cara á Praza Agro do Rolo, como cara ao centro da cidade, así como tamén os que veñen da zona de Paradai pola rúa Río Narla ou van cara a saída da cidade pola Avenida da Coruña, polo que solicitamos se instále un novo paso de peóns semaforizado para regular o tráfico peonil e rodado”. Deste xeito, din os representantes da asociación, “melloraríase a seguridade viaria da zona. Se construír o devandito paso de peóns significa cambios na rede semafórica, pedimos que se estuden os devanditos cambios e leven a cabo. Desde a Asociación de Veciños, Comerciantes e Industriais da Milagrosa, “seguiremos pedindo o paso de peóns por consideralo algo imprescindible”.

Foto: Google Maps.

Carencias do servizo de BUS na Zona Norte da cidade Lugo

Comunicado da  Plataforma pola Defensa da Zona Norte, agrupación de todas as Asociacións Veciñais dos Barrios da Zona Norte de Lugo: Sagrado Corazón, Gándaras, Paradai, Milagrosa, Piringalla, Garabolos, Castiñeiro, Casas.

Carencias do BUS na Zona Norte da cidade Lugo:

A reforma das liñas dos autobuses urbanos fíxoa o BNG sen consultar coa xente, sen recoller suxestións da xente, sen dar participación ningunha á veciñanza, despois duns dous anos que pasaron desde que se iniciou a reforma, notamos graves carencias no funcionamento do BUS na Zona Norte da cidade.

As carencias fundamentais con respecto ao BUS na Zona Norte son as seguintes: Os veciños e veciñas do Sacgrado Corazón e a súa área incluídas as rúas Venancio Senra e Calzada de As Gándaras, solicitan que se contemple nos orzamentos municipais de 2024, a contía requirida para a recuperación das liñas suprimidas de BUS URBANO que daban comunicación ao barrio, co resto da cidade (lembramos que é un barrio con demasiadas persoas con mobilidade reducida ou funcional que se achan gravemente prexudicados). Estamos a referirnos á liña 7A (As Gándaras – Cemiterio e a liña 7 (As Gándaras – Campus). Coa liña 7A o autobús urbano subía pola rúa Venancio Senra e tiña a súa parada nas inmediacións do polígono e noutros puntos desa rúa. A liña 7 do autobús urbano baixaba pola rúa Venancio Senra e dispoñía de parada nunha esquina do Polígono. A supresión causou un importante prexuízo á cidadanía, ao colexio, ao centro de saúde, aos negocios. A súa recuperación é esencial e requirible, polo cal reclamamos a súa nova posta en funcionamento a curto prazo.

Os veciños e veciñas da Milagrosa, demandan que non teñen ningún bus directo ao Cemiterio como tiñan antes, agora para poder facelo teñen que ir a Ramón Ferreiro e alí cambiar de liña, coa dificultade que isto supón para a gran maioría da xente que nos demanda este servizo e que se trata de xente maior, que estes transbordos suponlles unha dificultade importante.

Desde a zona de Paradai, indícannos que unha das liñas que pasa polo barrio vai polas Gándaras – Sagrado Corazón e Rolda (Sindicatos), o percorrido lévalles media hora, polo que,  chegan antes ao centro andando.

Outra liña vai por Río Narla -Avda. Coruña – Irmáns Carro – Fontiñas. Esta liña non vai ao centro e din que os buses van practicamente baleiros. Necesítase un bus de ida e volta cara ao centro (Porta San Fernando – Porta Rúa Nova), o máis preto posible da Praza de Abastos.

Outra eiva importante é que, para ir ao Hula teñen que utilizar o intercambiador e á xente maior complícaselle , non saben utilizalo.

Tamén os veciños e veciñas do Barrio de O Castiñeiro, protestan pola liña 9, Na súa opinión, deberían reformulala, este é o bus que vai ao Hula, o cal vai sempre  a tope de xente, xa que nel viaxan moitos traballadores do hospital e ademais ten escaleiras o que dificulta de xeito moi importante a mobilidade das persoas que levan muletas ou van en cadeira de rodas.

En función de todas estas queixas presentadas, solicitamos unha revisión das liñas do BUS. Unha revisión adaptada ao que pedimos os veciños e veciñas, e non soamente o que quere o BNG.

 

Lugo, 26 de marzo de 2024.

Plataforma pola Defensa da Zona Norte.

Aprobadas sendas mocións do Bloque e PSOE que reclaman investimento en infraestruturas no pleno da Deputación

No pleno da Deputación Provincial celebrado hoxe, o BNG sacou adiante unha moción na que reclama ao goberno do Estado “axilizar e incrementar os investimentos nas infraestruturas e servizos ferroviarios da provincia, para ofrecer unha alternativa de transporte realmente útil para a cidadanía”.

A proposta, aprobada cos votos do goberno provincial, BNG, PSOE “sinala as prioridades da provincia: axilizar a electrificación das conexións Lugo-Ourense e Lugo-A Coruña, remodelar a liña do antigo FEVE (Ferrol-Ribadeo) e iniciar os estudos da variante Curtis-Ordes para unir Lugo con Compostela, e insta á Xunta de Galiza a reclamar as competencias ferroviarias -recoñecidas no Estatuto – para crear un ente público de xestión ferroviaria”.

“A cidade e a provincia de Lugo teñen que deixar de estar marxinadas en materia de infraestruturas ferroviarias. É preciso poñer a Lugo no mapa e comunicar á nosa veciñanza”, reclamou a deputada Iria Castro que lembrou a última perda de servizos que afronta a provincia, coa suspensión da conexión diúrna entre Monforte e Lugo.

A deputada provincial reprobou a posición do Partido Popular que se opuxo á proposta e “bota balóns fóra” eludindo reclamar a xestión das competencias ferroviarias e escondéndose detrás do deputado do BNG no Congreso Néstor Rego a súa falta de compromiso coas infraestruturas galegas, tanto nos anos de goberno como de oposición en Madrid.

Desdobramento do corredor Nadela-Sarria- Monforte

Tamén en relación coas infraestruturas, aprobouse por unanimidade unha moción do PSOE que insta á Xunta de Galicia a executar a obra do desdobramento da totalidade do trazado do corredor Nadela-Sarria Monforte.

Dous feridos no incendio da nave de Sidegal no polígono de O Ceao

O lume comezou ao redor das sobre as 09.30  de hoxe e afecta á nave de Sidegal, empresa de desguaces, no polígono de O Ceao. Nestes intres traballan a reo os equipos de extinción de incendios para evitar que o lume se propage ás naves colindantes.

Nestes momentos hai polo menos dúas persoas feridas, que segundo as primeiras informacións serían dous traballadores da empresa.

O lume iniciouse cara ás 09.35 horas desta mañá e a mobilización de medios municipais foi inmediata. No lugar dos feitos actuaron desde esa hora preto de 20 bombeiros, así como diversos vehículos de estinción asociados a estes equipos que dispuxeron de recursos materiais e hídricos necesarios en todo momento. Tamén coordinaron os labores de seguridade na zona tres indicativos da Policía local, outras dotacións da Policía Nacional e membros do Servizo Municipal de Protección Civil. A falta de que se confirme na posterior investigación, a orixe do lume parece que estivo no cuarto de residuos.

A Plataforma pro residencia de Becerreá seguira coas mobilizacións ata conseguir que se abra

A Plataforma pro residencia de Becerreá, vai seguir con mobilizacións ata conseguir que a Deputación de Lugo poña en marcha esta residencia, paralizada hai máis de tres anos: Así o declaraba Lourdes Fernández, a voceira da plataforma. “Estamos fartos de que poñan desculpas; primeiro a electrificación, logo que non reunía as condición das residencias provinciais, o covid, a guerra de Ucraína, agora parece que van cun tema hidráulico; o único que fan é dar largas pero non fan nada.” Sentenciou.

A partir de agora, as accións para denunciar a situación na que se atopa a residencia de maiores de Becerreá,  realizaranas en distintos lugares e sen previo aviso para que non lle las podan boicotear e teñan un maior impacto social. “Non podemos anunciar cales serán os nosos próximos pasos, partir de agora imos cambiar de procedemento”. Como mostra un botón, “o pasado 19 de marzo Acruga celebraba a primeira poxa do ano e a ela ían asistir membros da Deputación, pero ao final non apareceron”.

Fernández  aseveraba “razoar co Sr. Tome, presidente da Deputación de Lugo, é cousa imposible”. Pedimos varias reunións con el pero non houbo forma. Recibiunos o Sr Rivera o “cal nos mentiu, díxonos que están traballando nelo, pero, facer, non fan nada”. Asegura que “lle pediu ao Sr. Pablo Rivera que por humanidade abriran a residencia  que había moita xente moi maior soa e en casas afastadas, pero non fixo nin caso”.

A voceiro reflexionou sobre outras residencias que tamén tardaron en abrir, como a de Pedrafita e Castroverde, “ao mellor están agardando a que se deteriore como pasou coa de Castroverde e logo houbo que facer outra vez un gran investimento para poder poñela en marcha”

“A realidade é que “nunha zona tan envellecida e cunha poboación tan diseminada  como a comarca dos Ancares, esta residencia e fundamental así como os centros de día para a conciliación, que por certo, destes centros non hai ningún aberto. E o triste é que xestionan os cartos que son nosos” Remataba.

 

 

Os museos provinciais contarán con mochilas sensorias neurodiverxentes

O Museo Provincial de Lugo, o do Mar de San Cibrao, o Museo Pazo de Tor e o Museo Fortaleza de San Paio de Narla, contarán con mochilas sensoriais neurodiverxentes.

Trátase de 17 maletas con recursos pensados para previr ou paliar crises sensoriais en crianzas con TEA ou necesidades de apoio específicas durante as visitas aos museos. Inclúen xoguetes sensoriais – botellas de calma, panos de seda, frascos con especias, rotuladores de olor, pop it –, auriculares de redución de ruído e outros materiais relacionados cos oficios e o persoal dos museos.

Na selección dos materiais, a Rede Museística contou co asesoramento da asociación Raiolas Lugo, que participa habitualmente nas actividades didácticas e programas que impulsan os museos provinciais no camiño da accesibilidade e da inclusión.

Durante a presentación das mochilas, a deputada de Cultura Iria Castro puxo en valor “o traballo da Rede Museística que, ademais de incorporar agora este material, desenvolve de forma permanente programas e prácticas encamiñadas a facilitar e normalizar a visita aos museos a todas as persoas”.

A iniciativa forma parte das accións programadas polo Día Mundial da Concienciación sobre o Austismo, que se conmemora o 2 de abril.

O Museo Provincial de Lugo, o Museo do Mar de San Cibrao, o Museo Pazo de Tor e o Museo Fortaleza de San Paio de Narla – contarán con mochilas sensoriais neurodiverxentes.

Trátase de 17 maletas con recursos pensados para previr ou paliar crises sensoriais en crianzas con TEA ou necesidades de apoio específicas durante as visitas aos museos. Inclúen xoguetes sensoriais – botellas de calma, panos de seda, frascos con especias, rotuladores de olor, pop it –, auriculares de redución de ruído e outros materiais relacionados cos oficios e o persoal dos museos.

 

Na selección dos materiais, a Rede Museística contou co asesoramento da asociación Raiolas Lugo, que participa habitualmente nas actividades didácticas e programas que impulsan os museos provinciais no camiño da accesibilidade e da inclusión.

 

Durante a presentación das mochilas, a deputada de Cultura Iria Castro puxo en valor “o traballo da Rede Museística que, ademais de incorporar agora este material, desenvolve de forma permanente programas e prácticas encamiñadas a facilitar e normalizar a visita aos museos a todas as persoas”.

 

A iniciativa forma parte das accións programadas polo Día Mundial da Concienciación sobre o Austismo, que se conmemora o 2 de abril.

Fotografía a Cegas

A Sala de Exposicións do Pazo de San Marcos acolleu este sábado unha nova sesión de Fotografía a Cegas, unha iniciativa que a Rede Museística Provincial de Lugo ven desenvolvendo desde hai 13 anos, ofrecendo ás persoas con visión reducida a posiblidade de achegarse á fotografía dende a percepción sensorial, empregando disciplinas como a danza, a música ou o deporte como expresión corporal. Bárbara Faustino e Ariel Rodríguez foron as persoas encargadas de impartir o obradoiro,  baixo o título “Sinestesia.

Ai dos mornos!

Deixoume marcado hai moito tempo unha frase do libro da Apocalipse: “Coñezo as túas obras: non es frío nin quente. Por iso, porque es morno (tibio) vomitareite da miña boca”.

Eu sempre pensei que había que fuxir dos extremos, e situarse nun punto preto do centro, porque por alí debía andar a virtude da normalidade, do equilibrio, aimnda que agora parece que un dos extremos é quen marca as reglas do xogo.

Morno resulta ser lixeiramente quente, entre o frío e a calor, pero en sentido figurado tamén pode ser levedade e mesmo falta de enerxía ou ambigüidade.

Sempre penso que son morno en canto ao idioma, pretendendo equidistarme  entre  os que se sitúan no castelán e non apean del e os que utilizan o galego sexa cal fose o idioma da persoa que teñen diante. Eu chego a un sitio e falo galego. Se me contestan en castelán, é moi probable que pase ao castelán, e se me contestan en galego xa sei que estou na casa. Esto, para o libro da Apocalipse non vale. Tampouco vale para os que, nativos ou conversos do idioma, consideran que hai que facer patria en todo momento e lugar, (As que me van caer por isto, van ser unhas cantas, pero xa estou afeito a recibilas especialmente nestes tempos revoltos). Porque algúns deses tan firmes no idioma, hai cincuenta anos, falaban castelán porque era máis fino.

Pero a min de pequeno educáronme así, a ser morno, nin frío extremo nin cálidamente excesivo, porque en Vilalba daquela non leran o libro da Apocalipse.

O que si me  amola  é chegar a calquera lugar e dicir “Son Xulio”, e que me respondan: “Ay, si, Julio”. Co do nome son moito máis respectuosos os de fora ca moitos galegos.

Xulio Xiz

 

Aprobadas as liñas de axuda ao tecido cultural de base da provincia

A Vicepresidencia da Deputación de Lugo aprobou cun orzamento de 380.000 euros as bases para a convocatoria de axudas para o tecido cultural de base. A Xunta de Goberno aceptou este venres o procedemento que permitirá as entidades culturais desenvolver actividades e mellorar os locais.

Trátase de dúas liñas de axuda, unha destinada á organización de actividades de promoción e dinamización cultural, cun importe de 255.000 euros, e outra dirixida a financiar investimentos en instalacións e equipamento nos seus locais sociais, de 125.000 euros.

A deputada de Cultura Iria Castro destacou que este ano mantemos o orzamento da última edición, o que permitirá continuar reforzando o apoio ás asociacións culturais de base, na súa maioría colectivos pequenos que se sosteñen grazas á implicación desinteresada de persoas preocupadas pola cultural, pola lingua e o patrimonio e que cumpren un papel fundamental para garantir o acceso á actividade cultural en todo o territorio”.

Sinalou tamén a importancia destes investimentos que permiten que “os colectivos do rural programen actividades e impulsen tamén estudos, investigacións e iniciativas de posta en valor do patrimonio local”.

As bases publicaranse no Boletín Oficial da Provincia nas vindeiras semanas.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com