En nota de prensa difundida hoxe, o Grupo Municipal Popular “lamenta profundamente que Rubén Arroxo sega instalado nunha visión pequena da política local.
Para os populares “resulta Inaceptable escoitar a un membro do goberno afirmar que o aumento de poboación dificulta as maiorías absolutas, como se ese fóra o obxectivo”.
O único que parece preocuparlle a Arroxo, segundo os populares “ é que “o Partido Popular poida lograr unha maioría ampla, porque iso implicaría perder o sillón que ocupa agora no bigoberno do Concello de Lugo. Esa é a realidade: está máis pendente de Elena Candia que de solucionar os problemas dos lucenses”.
“Mentres Lugo precisa solucións e proxectos serios, o BNG dedica o tempo a atacar á voceira do Grupo Popular en lugar de celebrar aquelo que levan dous anos anunciando e que, como se acaba de demostrar, non era certo”. Subliñan.
A nota remata :”as declaracións de Arroxo son o reflexo da súa propia mediocridade política: a de quen asume que só pode aspirar a gobernar perdendo eleccións e a de quen confía máis nos pactos de despacho que no respaldo da cidadanía.”Está claro que Rubén Arroxo está máis preocupado polo futuro do BNG que polo futuro de Lugo”
