Foi unha familiar quen alertou ao 112 Galicia, pouco antes das 14 horas: o home sufriu un accidente cando se atopaba nunhas colmeas no lugar de San Pedro, en Quintá de Lor. Como resultado, quedou ferido nunha perna.
De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, dos Bombeiros de Monforte, do GES de Folgoso do Courel e da Garda Civil.
Os bombeiros procederon co rescate do ferido, que foi atendido e trasladado polos profesionais sanitarios.
