O fatal accidente tivo lugar sobre as 20:30h de onte. A persoa que atopou ao mozo tirado ao pé da LUP-5804, no Saviñao, chamou ao 112 Galicia para pedir asistencia urxente.
Sen embargo, nada podía facerse xa por salvar a vida do home, estaba falecido. Así o confirmaron os axentes da Garda Civil, que investigan as circunstancias do suceso no que todo indica que o mozo botou fora da estrada e saíu despedido e foi atropelado polo remolque do seu tractor.
Ademais dos axentes de seguridade, solicitouse a intervención dos profesionais de Urxencias Sanitarias de Galicia-061.
