50 nenas e nenos participan nas actividades fluviais gratuítas da Deputación en Navia de Suarna

50 nenas e nenos participaron este sábado en Navia de Suarna nas actividades fluviais e totalmente gratuítas que organiza o Goberno da Deputación ao longo do mes de agosto e a comezos de setembro en diferentes concellos da provincia. Esta festa acuática tivo lugar na Praia Fluvial A Proba e contou con atraccións inchables como tobogáns, balancíns, pulpos, rocódromos acuáticos, pistas de obstáculos, kaiaks ou waterballs. Tamén houbo animación musical e xogos populares.

 13 festas acuáticas

 Con esta programación, levaranse a cabo un total de 13 festas acuáticas, ó aire libre, en espazos naturais dos Concellos de Ribeira de Piquín, Navia de Suarna, Vilalba, Negueira de Muñiz, Ribas de Sil, Chantada, Monforte, Sarria, A Pontenova, Guitiriz, Trabada, Portomarín e Lugo.

 Cada sesión lúdica ten unha duración de entre tres e catro horas, e conta coa supervisión de, canto menos, un coordinador e entre seis e doce monitores, que se encargarán do coidado e atención dos nenos e nenas participantes, para garantir unha actividade divertida e segura. Aqueles que non saiban nadar teñen que ser acompañados por un adulto.

 Próximas actividades

 Vilalba – 14 de agosto – Área de recreo A Madalena (16:00 a 20:00 horas).

Negueira de Muñiz – 15 de agosto – Área Recreativa Virxe da Veiga (16:00 a 19:00 horas).

Ribas de Sil – 16 de agosto – Praia Fluvial San Clodio  (17:00 a 20:00 horas)

Chantada – 20 de agosto – Praia do Parque Sangoñedo (16:00 a 19:00 horas).

Monforte – 22 de agosto – Paseo do Malecón (16:00 a 19:00 horas).

Sarria – 23 de agosto – Area de recreo O Chanto (16:00 a 20:00 horas).

A Pontenova – 26 de agosto – Pozo da Ola (17:00 a 20:00 horas).

Guitiriz – 26 de agosto – Área recreativa de Parga (16:30 a 19:30).

Trabada – 27 de agosto – Ría de Abres (16:00 a 19:00 horas).

Portomarín – 1 de setembro – Náutico (16:00 a 19:00 horas).

Lugo – 2 de setembro – Club Fluvial (16:00 a 20:00).

 

Novas relacionadas

Deixar unha resposta

A súa dirección de email non será publicada. Os campos requeridos están marcados *


Diario de información xeral sobre Lugo e a súa provincia
San Salvador de Muxa 124 27192, Lugo