Continúa a campaña de colaboración cidadá Aparca con xeito!, posta en marcha polo Goberno co obxetivo de sensibilizar á cidadanía ao tempo que se vela polo cumprimento da normativa de circulación. Deste xeito, e tras incidir no carril e paradas de bus, dende mañá luns, 27 de febreiro, e ao longo de 15 días, intensificará a vixiancia e control naqueles vehículos que estean estacionados en zonas de carga e descarga, para evitar o mal uso destes espazos, pois favorecen aos traballadores que requiren desta zona de aparcadoiro, e de xeito indirecto ao comercio e á propia mobilidade. Rematará o 12 de marzo.
Esta campaña contempla 5 fases, de quince días de control de estacionamento, ata o 7 de maio. Ademais do carril bus e carga e descarga, a Policía Local incidirá e intensificará a vixilancia no relacionado ao aparcamento en doble fila, beirarrúas e en prazas de mobilidade reducida.
Tras o control de carga e descarga, a terceira fase centrarase na doble fila e desenvolverase do 13 ao 26 de marzo. A cuarta fase, do 27 de marzo ao 9 de abril, incidirá no estacionamento nas beirrarúas, co propósito de que os peóns en xeral, e especialmente as persoas con problemas de mobilidade, poidan transitar polos espazos destinados a camiñar. Por último, a quinta refírese ao estacionamento en prazas destinadas a persoas de mobilidade reducida e ao control das tarxetas que acreditan a unha persoa para estacionar nesta zona. Nesta liña incidirá a Policía Local do 24 de abril ao 7 de maio.
Así mesmo tamén haberá unha campaña de control de excrementos de animais na vía pública para concienciar e implicar á veciñanza na limpeza do municipio. Dita campaña terá lugar do 10 ao 23 de abril.
