Continúan baixando os casos activos por coronavirus. Nas últimas 24 horas e segundo informa a Dirección Xeral de Saúde Pública da Consellería de Sanidade son 3 casos menos, o que sitúa a área de Lugo con 72 casos activos por Covid-19
Nesta última actualización, o número de casos activos de coronavirus en Galicia ascende a 1.136, deles 283 son da área da Coruña, 72 da de Lugo, 190 da de Ourense, 56 da de Pontevedra, 328 da área de Vigo, 176 da de Santiago, e 31 da de Ferrol.
Do total de pacientes positivos, 15 permanecen en UCI, 92 están en unidades de hospitalización e 1.029 no domicilio. Polo de agora, en Galicia hai un total de 9.281 persoas curadas, rexistrándose 607 falecementos.
O número de PCR realizadas é de 127.359.