31 casos activos por Covid-19 na área sanitaria de Lugo

O brote familiar de infección por covid-19 que se detectou na tarde do pasado martes no concello de Xove, confirma 3 novos casos activos de afectados por coronavirus. A partir desta confirmación, fíxose un rastrexo e analizáronse todos os contactos da persoa afectada. Das 26 probas realizadas onte, confírmase a existencia de 3 casos positivos en covid-19 máis (o que eleva a 11 o número de casos do brote de Xove). Outras 23 probas arroxaron resultado negativo. Dos 11 casos positivos a maioría son asintomáticos ou presentan síntomas de carácter leve, e teñen a obriga de gardar corentena durante 14 días.

A Dirección Xeral de Saúde Pública da Consellería de Sanidade informou na súa última actualización, que o número de casos activos de coronavirus en Galicia é de 311, deles 81 son da área da Coruña, 31 da de Lugo, 21 da de Ourense, 8 da de Pontevedra, 133 da área de Vigo, 26 da de Santiago, e 11 da de Ferrol.

Do total de pacientes positivos, 4 están en unidades de hospitalización e 307 no domicilio. Non hai pacientes positivos en UCI. Polo de agora, en Galicia hai un total de 10.590 persoas curadas, rexistrándose 619 falecementos.

O número de PCR realizadas é de 171.518.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com