400 centros educativos abrirán as súas portas renovados tras este verán

O presidente do Goberno galego, Alberto Núñez Feijóo, destacou hoxe un investimento de 30 millóns de euros este verán para levar a cabo 557 obras de mellora, en 400 centros educativos, que benefician a preto de 150.000 alumnos.

Durante unha visita esta mañá ao novo CEIP Sagrado Corazón, en Lugo, Feijóo avanzou ademais que a Xunta está licitando outras 84 actuacións por importe de 40 millóns de euros para executar en 2022, ao tempo que resaltou que a cidade da Muralla alberga, nestes momentos, a zona educativa con máis proxectos de obra previstos neste eido de toda Galicia.

Así, ademais deste novo CEIP, actualmente, están en marcha ou rematadas outras obras por valor de preto de 4 millóns de euros, como: o acondicionamento do pavillón compartido do IES Lucus Augusti e IES Ollos Grandes; a adecuación do ximnasio como talleres para ciclos de perruquería no IES Muralla Romana; a ampliación dos talleres de carpintería do CIFP Politécnico; e o novo edificio para a ampliación de ciclos e hostalería do IES Sanxillao, cuxa obra rematará neste primeiro trimestre do curso. “E para o período 2021- 2024 temos previsto investimentos por valor de 3,6 millóns de euros en noutros centros da cidade”, engadiu.

Ao longo da súa intervención, o presidente do Goberno galego subliñou que, ademais de todos os programas e medidas implementados, este curso conta cun protocolo covid coñecido polas familias e os centros desde o 9 de xullo.

Nesta mesa liña, recordou que a pandemia tamén nos deixou unha reflexión sobre os espazos arquitectónicos que precisa o sistema educativo, recollidas no Plan de Nova Arquitectura Pedagóxica que suporá un investimento de 191 millóns de euros, nesta lexislatura, para adaptar os centros escolares ás novas necesidades educativas, sanitarias e tecnolóxicas.


O presidente da Xunta, Alberto Núñez Feijóo, acompañado polo conselleiro de Cultura, Educación e Universidade, Román Rodríguez, visita o CEIP Sagrado Corazón.
Fotos David Cabezón

Novas relacionadas

Unha resposta

Deixa unha resposta
  1. Olga Murado
    Set 06, 2021 - 05:04 PM

    Hostias. Perdón se me habían olvidado los alumnos de medicina de la USC (un año más sin prácticas) https://t.co/U0D49DMrzR

    Reply

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com