Ata 80 incendios dende onte en Galicia

A Xunta comunica que Galicia está a sufrir nas últimas horas unha elevada actividade incendiaria, de forma que se rexistraron ata 80 incendios na nosa comunidade desde o día de onte . Ademais, hai incendios en Portugal que están preto da fronteira con Galicia e que obrigan aos medios da nosa comunidade a multiplicar os seus esforzos para evitar que nos afecten. Xunto co reforzo dos traballos de extinción, estase a intensificar a vixilancia policial nos diferentes puntos, para atallar a actividade incendiaria.

Na provincia de Lugo segue activo o lume no concello de Cervantes, parroquia Donís. Para a súa extinción mobilizáronse 11 axentes, 36 brigadas, 14 motobombas, 2 pas, 15 helicópteros e 2 avións.

A Xunta quere agradecer unha vez máis o esforzo e compromiso das persoas que traballan na loita contra o lume e facer un chamamento á cidadanía para que denuncien calquera actividade delituosa incendiaria da que teñan coñecemento e que alerten a través do número gratuíto 085 dos incendios que localicen.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com