Luís Milla, adestrador do CD Lugo, presentou na tarde de onte a súa dimisión como adestrador do club, alegando motivos persoais. O CD Lugo aceptou a súa dimisión e agradeceu o esforzo realizado ao longo desta tempada, ao mesmo tempo que lle desexou o maior dos éxitos para o futuro. Asemade Milla agradeceu ao club o trato recibido e desexoulles grandes éxitos deportivos.
Hai algún tempo Milla e un dos responsables deportivos do Lugo tiveron un enfrontamento que poida ter influído na decisión que agora adopta o adestrador.
O club dará a coñecer hoxe o nome do seu substituto.
