O Deputado de Turismo, Eduardo Vidal Baamonde, o Alcalde de Monforte de Lemos, José Tomé Roca, o presidente de Hércules de Ediciones, Francisco Rodríguez Iglesias, e o autor e fotógrafo da obra, Antón Rodicio presentaron este luns no Concello de Monforte, unha nova edición recollida en dous volumes coa que dar a coñecer a beleza da Ribeira Sacra, e na que participaron un total de 35 autores.
Vidal Baamonde explicou que esta Comarca conta cunha beleza natural, artística, paisaxística, e por suposto humana excepcional, que entre todos temos que tentar que perdure no tempo en todo o seu esplendor, e esta nova obra de Hércules de Ediciones seguro que contribuirá a facelo.