Un incendio declarado no interior dunha nave pequena en Friol provocou danos na construción, sen que que ningunha persoa resultase ferida. Segundo os datos facilitados ao 112 Galicia, arderon rolos de herba seca que se almacenaban dentro do pendello e as lapas afectaron levemente á súa estrutura.
Os feitos sucederon no lugar do Manxadoiro, na parroquia de Carballo, ao fío das 8:55 horas.
Nese momento, unha persoa particular contactou co 112 Galicia para alertar do incendio. Indicaba no seu relato que ardía unha nave sen actividade na que se gardaba maquinaria agrícola.
Decontado, desde o CIAE 112 Galicia pasouse o aviso aos Bombeiros de Vilalba, á Garda Civil e á Agrupación de Voluntarios de Protección Civil da localidade.
Segundo puido saber o 112 Galicia, os servizos de emerxencia remataron as labores de extinción do lume preto das 11:00 horas.
