Continúan a subir os casos activos por Covid na provincia con 31 máis que onte e o número de positivos nas últimas 24 horas foi de 148; aemade e a presión hospitalaria volve a incrementarse con dez novos ingresados en planta e un menos en UCI, e total hai 44 infectados por coronavirus nos hospitais da provincia.
En canto ao número de casos activos en Galicia, a Dirección Xeral de Saúde Pública da Consellería de Sanidade informou na súa última actualización que os casos activos de coronavirus en Galicia é de 18.885 deles 3.763 son da área da Coruña, 2.212 da de Lugo, 2.097 da de Ourense, 3.031 da de Pontevedra, 4.475 da área de Vigo, 2.357 da de Santiago e 950 da de Ferrol.
Do total de pacientes positivos, 36 están en UCI, 266 en unidades de hospitalización e 18.583 no domicilio. Polo de agora, en Galicia hai un total de 134.418 persoas curadas, rexistrándose 2.457 falecementos.
O número de PCR realizadas é de 2.552.538.
O número de doses de vacina contra a covid-19 administradas é de 3.501.618.
