O primeiro aviso chegou pouco antes das 12:30 horas ao 112 Galicia. Segundo o alertador, unha moto e un coche colidiran no quilómetro 567 da PO-634. O particular tamén indicou que o motorista parecía estar inconsciente logo do impacto.
Desde o 112 Galicia avisouse rapidamente ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Barreiros.
Logo de que o persoal sanitario iniciase o traslado do ferido, confirmouse o seu falecemento durante o traxecto, sen que nada se puidera facer por salvarlle a vida.
