Os servicio de emerxencias do 112 Galicia recibiu o aviso arredor das 16:30 horas a través de varias chamadas de particulares, que alertaban de que un vehículo sufrira unha aparatosa saída de vía e de que podía haber persoas atrapadas no seu interior.
Ata o lugar desprazouse un amplo operativo integrado por efectivos do Servizo de Urxencias Sanitarias de Galicia-061, os Bombeiros de Lugo, a Garda Civil de Tráfico, a Policía Local e persoal de mantemento da vía.
Os servizos sanitarios confirmaron o falecemento dunha das persoas que ocupaban o vehículo, mentres que a outra foi trasladada ao Hospital Universitario Lucus Augusti (HULA) para recibir asistencia médica.
Segundo informaron os Bombeiros de Lugo ao remate da intervención, foi necesario excarcerar o copiloto, que falecera no interior do turismo. Pola súa banda, o condutor, que resultou ferido, fora retirado previamente do vehículo por particulares que se atopaban no lugar do accidente antes da chegada dos equipos de emerxencia.
As circunstancias nas que se produciu o sinistro están a ser investigadas polas autoridades competentes.
