A área de Sostibilidade Urbana daba traslado, esta mañá, á Xunta de Goberno Local dun total de 8 licenzas para diferentes actuacións no termo municipal que, conxuntamente, alcanzan un investimento de 1.032.013 € euros.
As máis significativas son a ampliación da planta destinada a restaurante-cafetería nunha estación de servizo existente no lugar de San Cibrao e a readaptación dun edificio na praza do Campo Castelo.
O executivo validou, igualmente, o cambio de uso de dúas oficinas para apartamentos turísticos nun inmoble da rúa Conde e a rehabilitación dunha vivenda unifamiliar en San Fiz, así como a reforma doutra na rúa Ameneiro, a legalización das obras realizadas noutra da rúa Salmón, alén de dous parcelamentos en Adai e o Ceao.
Na orde do día da sesión de esta semana incluíuse, así mesmo, a declaración de ruína técnica para un conxunto de catro vivendas na calzada das Gándaras – correspondentes aos números 154, 160, 162 e 164 desta vía – e doutra edificación sita no número 21 da rúa San Xillao.
Námbolos dous casos, o Concello instou á propiedade destas construcións a presentar no prazo dun mes, a correspondente licenza de obra maior acompañada do proxecto técnico de demolición asinado polo técnico competente coa advertencia de que, en caso de incumprimento, a administración local procederá á súa execución forzosa mediante o procedemento de execución subsidiaria con cargo aos obrigados.
Dende a institución advírtese tamén que, en tanto non se proceda á demolición dos inmobles, as persoas titulares dos mesmos deberán manter neles as medidas de protección oportunas co fin de garantir a seguridade dos mesmos, dos edificios lindeiros e das e dos peóns que transiten pola zona, quedando, por tanto, habilitadas para executar as obras de apontoamento que resulten convintes.
Xuñ 02, 2021 - 05:31 PM
O trepa pone todo guapo de garabata, para saír na a foto!!!!