Os casos activos na área sanitaria de Lugo sitúanse en 691, dezaoito máis que na xornada anterior. Segundo os datos publicados hoxe pola Consellería de Sanidade o número de positivos na área de Lugo aumentou en 34 nas últimas 24 horas.
En canto ao número total de casos activos por coronavirus en Galicia é de 7.074, deles 1.201 son da área da Coruña, 691 da de Lugo, 1.423 da de Ourense, 727 da de Pontevedra, 1.358 da área de Vigo, 1.128 da de Santiago, e 546 da de Ferrol.
